| 個人檔案~☆Little BUN☆ \ ◎＾＿＾◎/!~部落格清單 |  工具  說明 |
|
23 May 几部未睇先失望嘅电影。。。1.Confessions of a Shopaholic
第一部就已经变咗发生喺纽约嘞，重结埋婚添，咁第日重点takes Manhattan同ties the knot啊？！睇嚟投资人都可能觉得呢部电影唔系点收得同埋冇咩拍续集嘅潜力囖。
而且女嘅又唔可爱，男嘅又唔man（原著虽然冇讲到Rebecca有几好，但讲到阿Luke好正咖嘛），同原著简直云泥之差。见到预告已经唔想睇了。。。
2.Harry Potter and the Half-Blood Prince
“新学期又开始了，Harry无意中找到一本混血王子的魔药学旧笔记，从此魔药学成绩突飞猛进。另外Dumbledore被Snape杀死，经过连番争斗后Harry终于为Dumbledore报仇。临死之前Snape大声疾呼‘我就是混血王子’......”
什么垃圾剧情嘛！！！！我在公交车上边睇完呢段预告片同简介已经完全O嘴，边个第日睇完唔该讲返剧情究竟变咗几多，我先决定去唔去睇好了。。。
3.Angels & Demons
我睇预告片嗰时重以为系Da Vinci Code又重新上映添啊。
其实我个人认为Angels & Demons本来就系为成为一部电影而出现嘅，虽然佢内容同悬念方面冇Da Vinci咁有话题性，但佢嘅情节同节奏都比Da Vinci要好。可惜电影可能为咗强调佢同Da Vinci嘅关系拍得太过雷同，而且Tom Hanks的确系老了，拍Da Vinci呢种思考多过动作嘅电影重算可以胜任，但系Angels & Demons成个故事都需要喺度跑嚟跑去，我睇到都觉得佢辛苦啊。。。 31 December 本年最后一篇blog，送上黎明金句 看完真是让我笑爆嘴，希望大家看完后09年开开心心~！
黎明金句：
1. 我朝早唔會空肚食早餐!
2. 坎坷過後有艇搭!
3. 左手又係肉, 手掌又係肉, 獎就只係得一個, 得冠軍同季軍, 唔知點決定~ 4. 核心o既外圍係核心o既內圍 5. 有無機會拍拖同見鬼一樣都係要講緣分o既 6. 衞蘭肥過部電單車 7. 原則會取締默契，默契會產生更多議題…… 8. 「當華仔同你講我愛你，你會好開心，當佢唔記得講我愛你，你會好傷心，但記得飲一杯《忘情水》。」 9. 「勇氣呢，就係做一d平時唔習慣做o既o野，但一定要挑戰，挑戰產生樂趣。」 10. 「一時又話我金句王，一時又話黎先知，唔知答邊樣好。」記者笑他今日未有金句時，Leon即笑言：「今日用先知取代金句。」 11. 作了這張專輯，付了很多錢，可是，唱了這些歌，我還沒有聽到錢的聲音。 12. 當一個藝人覺得自己很有魅力的時候,他的魅力已經消失了 13. 每個人都應該珍惜機會,如果唔係,就會《絕對空虛》! 14. 借錢如送禮,還錢如乞米. 15. 明人不做暗事 暗處有狗咬腳 16. 戀愛就好似打遊戲機咁, 每個人都會過關, 打爆機,明白個遊戲點玩,但係到你爆機時, 你已經魂歸天國! 17. 生存在世,最幸福的是可以尋求到解决難題的方法;最遺憾的是用盡了方法都解决不了問題,所以我每天生活在幸福與遺憾中! 18. 結了就婚（分），注了就冊（撤），喝了就酒（走）。 ——黎明談對婚姻看法 19. 每個人的生活方式不同，好似在一個武林一樣。有捕頭緝拿壞人歸案，亦有捕頭與壞人同流合污。 ——黎明評價娛樂圈 20.黎明一向被譽為娛樂圈中的金句王，經常發表一些令人拍案叫絕的言論，繼「唔可以空肚食早餐」同埋「左手係肉，手背又係肉」之後，今次連佢嘅新歌都玩埋一份，歌名叫做： 夏天的味道(秋天版) 21.早前黎明出席光良的音樂會時，所坐的椅子搖晃不定，於是光良主動跟Leon調換椅子，但Leon竟說：「唔使，命運安排屬於邊個就邊個。」 22.早年他在拉闊演唱會中又表示：「你（Fans）唔好叫住好唔好？畀多少少時間我講嘢，鬼叫支咪喺我手。知唔知Leon點解突然跳起舞上嚟呢？一係我食咗感冒藥、二係我一直想坐低、三係自然。」 23.之後又話「女仔喊有一半係假，只要存在呢個諗法就唔會產生不必要的同情，唔會做錯事，總之我識分。咁易被嗲到的男人就係耳仔軟，男仔耳仔軟有一半都係假的！」 19 December 扮嘢天王福祿壽@万千星辉贺台庆2008 台庆过咗成个月我先拎嚟讲，我係咪好out呢。不过呢part又的确係全晚最令人期待嘅，虽然我睇完都有小小失望，可能我期望太高啩。
最尾嗰段rap当然係众望所归。好多人钟意佢哋三个扮三大男高音嗰段，不过我觉得嘛嘛，我反而觉得四朵金花入边“真係真”打“大眼全”嗰一嘢先至最精彩，够自然阿嘛，当然重有梁家树嗰个无辜look。不过“珍姐 乐小姐 TommyLeung 重有StephenChan”佢哋赞晒啲高级管理层点解唔赞下阿SIR RUN RUN同方小姐呢，人哋话晒都大大个坐喺前边啵；重有点解又唔讲大眼全，莫非节目係佢审嘅佢唔畀出？！ P.S 我觉得真係真头发长咗靓女咗，冇咁凶神恶煞。 13 December 好钟意hiro啊～～～>ν< 好钟意hiro啊～～虽然佢嘅爱称係“hayamaっち”，但我都係钟意叫佢hiro。
好耐冇上网搜过hiro啲嘅，点知今日一搜就见到啲唔开心嘅嘢，希望唔係真嘎啦。
听咗佢啲比较新嘅作品（虽然其实真係唔係点新）。我觉得new world比SAVE ME、 Again、瞳の中のモラル、メッセージ同HAND IN HAND好听。如果边个知道边度可以下载到new world同埋MAX嘅a special day嘅mp3可唔可以单声我知？
以下係new world嘅歌词：
new world（点击歌名试听）
中ノ森BAND たとえば ある人の心に 1つの野望がありました 達成するための手段は 選ばず 考えず がむしゃらに走っていた途中 後ろを振り返ってみると 倒れた人々は山積み 泣き顔の人々は憂い それでも前に足を運ぶのでしょう 降りしきる 雨のような涙さえも この世界 止められない 許さない let me know what's the mean of new world たとえば ある人の心に 1つの善意がありました 遂行するための手段は 選んで 考えて それには誰かの助けが 必要で 周り見渡すと 興味もなさそうで無関心 平然装うそのマスク そんなの世間の標準なんですか 降り注ぐ 太陽の光さえも この世界 止められない 許さない let me know what's the mean of new world 人と人が接して生きる以上 寄り添ったり 争ったり 火種を仕掛ける方と仕掛けられる方 どっちが正しいなんて言えないけど 世代同士で受け継ぐべきモラル 根底にあるべき感覚や愛 全部 時代錯誤の理想論なの ねえ神様 教えて 降り注ぐ 太陽の光さえも この世界 止められない 憧れた 未来へと続く旅は このままじゃ 終わりそうもない 辿り着くまで あとどれくらい 走りますか? let me know what's the mean of new world 红色嘅係chorus部分，我觉得成首歌最好听嘅地方，除咗句英文，你知日本人英文唔多好嘎啦……不过中ノ森啲发音都OK啵。
唔知係咪摇滚嘅关系，只歌风格同佢以前嘅好唔同，莫非跟得INORAN同RYUICHI多？！
9 October the original of la luna 从一买Sarah Brightman只La Luna嗰日就已经知道成只碟有九成是係Sarah翻唱，今日突然抽起条筋将所以嘅原唱版本搵晒出嚟。对比之下，Sarah嘅版本就係好有Sarah风格，高十六度再加上有神圣个天籁feel。当然，各个原唱都有佢自己嘅风格，各有优点。
01.La Lune 向来我都忽略啲intro，今次继续忽略……
02.Winter in July 这首歌是一九九一年一个名为Bomb the Bass嘅unit所唱作，原版正如乐队嘅名一样，其实带有一定嘅摇滚风格。要用神圣天籁嚟唱一首rock歌係好难的，所以Sarah版嘅winter in July都带有小小嘅摇滚feel，可以话呢首歌係成只碟入边最唔啱key嘅歌，唔係话Sarah唔可以唱摇滚，而係呢只碟唔啱放摇滚。 Bomb the Bass - Winter In July 03.Scarborouhg Fair Sarah可以话将呢首歌脍炙“中国”嘅人口。但其实呢首歌风靡世界係由于当年Dustin Hoffman嘅电影Graduate，原唱呢首插曲嘅係Simon and Garfunkel（冇错，就係嗰个Paul Simon!）,S&G CD版本歌原名叫做Scarborough Fair/Canticle，係将Canticle呢首歌插埋入去造成一种二重唱风格，别有一番风味。相当初其实我係为咗呢首歌先会买Sarah呢只碟，但我又最先听嘅係S&G嘅版本，先入为主，我始终钟意Scarborough Fair/Canticle多啲。
Scarborough Fair/Canticle
04.Figlio Perduto 呢首原版係贝多芬嘅第七交响曲，谂唔到吧～！不过我一向都对古典音乐唔感冒，所以都係听返Sarah个版本好喇。
05.A winter shade of pale 可能呢首歌已经被翻唱太多次，原来嘅版本同Sarah嘅分别实在太大，一首歌四十年前同四十年后比，冇得比。 A Whiter Shade Of Pale - Procol Harum 06.He dosen't see me 歌词介绍入面描述话呢首係一处法国古装喜剧嘅主题曲，但係点都谂唔到，所谓嘅法国古装喜剧係指喺XIXITV6重播过N次嘅《美丽新世界》（实在好难用法国古装喜剧嚟形容呢出戏……）呢首歌原版係有法国国宝级音乐大师Jean-Jacques Goldman所唱，但係基本上你想从电影当中听到已经好难，因为呢部电影嘅国际版主题曲已经换咗由A1主唱嘅英文版She dosen't see me。之后Sarah将歌词改编将入面嘅人物关系调转，欧洲版本係She doesn't see him,国际版又改为He dosen't see me。 ELLE NE ME VOIT PAS-Jean-Jacques Goldman 英文版A1-She doesn't see me >试听<
07.Serenade Sergei Rachmaninov no21－3，网上基本找不到……
09.Hijo De La Luna 西班牙组合Mecano嘅作品，感觉佢嘅声音要比Sarah更甜。唔知点解，虽然歌词一摸一样，总觉得两人唱嘅有啲唔同。 Mecano - Hijo de la Luna 10.Here with me Dido嘅here with me可能呢张碟最流行曲嘅一首。我觉得Sarah嘅版本比原版好，而电影Love actually入边嘅版本又比Sarah嘅好，虽然Love actually入边嘅都係Dido原唱。 Dido-Here With Me 11.La Califfa 听原版要先睇完同名意大利电影，算，反正两个版本我都冇多大兴趣……
12.This love 呢首歌，原唱令人感到真係有love嘅感觉，Sarah就只有高音。 This Love - Elizabeth Fraser & C.Armstrong
13.Solo Con Te 可能係呢只碟入边唯一一首原创歌。
14.gloomy Sunday 一首二次大战前嘅歌，原版搵唔到了。
15.La Luna/Moon River La Luna就唔讲了。至于Moon River,Audrey Hepburn从唔以唱歌出名，除咗呢首。Audrey Hepburn甜美，Sarah干净。 moon river
|
~☆Little BUN☆ \ ◎＾＿＾◎/!~◎◎唔使望啦～冇嘢睇噶啦！◎◎ 我睇嘅未必啱你睇，但你睇嘅可以介绍畀我睇。
|
||||||||||||||
|
|
